என் நண்பன் வேண்டுகோளுக்கு . . .

என்றும் அதிகாலை எழும் என் அன்பு தலைவி . . .

இப்போது உடல் நலமில்லாமல் படுக்கையில் . . . 

தினமும் எட்டு மணி வரை விழிக்காத என் விழிகள் 

இப்போது இவள் எப்போது கண் விழிப்பாள் என்று 

இமைக்காமல் காத்து கிடக்கிறது . . .

உன் கை கோர்த்து நடக்க வேண்டிய நான் 

உன்  அருகிலேயே முடங்கி கிடக்கிறேன் . . .

நினைவில் நாம் இருவரும் சேருந்து செதுக்கிய நல்வாழ்வை 

நிஜமாய் மாற்ற சீக்கிரம் எழுவாயடி . . .

விழிகளில் ஈரத்தோடு விரைவாய் சுற்றுகிறேன் எல்லா இறைவனையும் 

கலப்படம் இல்லாத உன் அழகிய புன்னகையை 

காலம் தடுத்தாலும் புத்துயிர் பெற்று மீண்டும் எழுவாயடி . . .

உன் கொலுசு சத்தம் கேட்கமால் 

நம் மாளிகை நிசப்தமாய் உள்ளதடி . . .

பின் முற்றத்தின் துளசி செடியும் உன் துயரத்தோடு சேருந்து வாடுகிறதடி . . .

வீடு வாசல் உன் கோலம் இல்லாமல் கோரகாட்சி அளிக்குதடி . . .

நீ முகம் பார்க்கும் கண்ணாடியும்  உன் முகம் தேடி  அலையுதடி . . .

நீ தலை குளித்து துவட்டும் துண்டும் தலைவி இல்லாது தவிக்குதடி . . .

பூக்களின் மொட்டுகளும் கண் மூடி தவம் கிடக்கிறது உன் விரல்கள் பட . . . 

நீ குடிக்கும் தண்ணீரும் கண்ணீர் வடிக்கிறது உன் பிஞ்சு நெஞ்சு அத்தனை மாத்திரைகளையும் விழுங்கும்பொழுது . . .

விரைந்து குணமாகி உன்னால் உறைந்து கிடக்கும் 

உன்னைவைகளை உனதாக்குவாய் அன்பு தலைவி . . .

#For K.Naveen